"Aiaraldeko etorkizun industrialaren zati handi bat lurzoru industriala eskuratzearekin lotuta dago. EH Bilduk gobernatzen duen Laudioko udal gobernua premiatu behar da egun izapidetzen ari den Hiri Antolamenduko Plan Orokorra hobeto pentsatzera. Plan horrek Aiaraldeko udalerri nagusiko enpresa eta industria hazkundea mugatzen du, eskualde industriala izan baita azken hamarkadetan".

Hitz horiekin, Jone Berriozabal Araba Buru Batzarraren presidenteak une honetan lurzoru industriala eskuragarri jarri beharra aldarrikatu du, industriak Laudiotik ez kanporatzeko. "Protestetako buru izan beharrean, eskualdean enplegua lan egin behar da egunero. Hala egiten ari dira Eusko Jaurlaritza eta Arabako Foru Aldundia Aiaraldera industria-proiektuak erakarri nahian. Gu lan egiten dugunetakoak gara eta ez protesta egitera mugatzen direnetakoak” zehaztu du.

Hala, ABBren presidenteak balioetsi nahi izan du Jauregi sailburuak gaur goizean aurkeztu duen Industria Plana. Plan horren helburua da "Euskadin egoera koiuntural honetan industria-sarea ez suntsitzea, lehiakortasuna irabaztera begira enpleguari eustea, enpresei finantza-laguntza ematen dieten merkatu-nitxoetan asmatzea eta gure lurraldean industria-lurzorua izatearen alde egitea".

Era berean, Jone Berriozabalek gogorarazi duenez, joan den astean Eusko Legebiltzarrean egindako osoko bilkura monografikoan "agerian geratu zen Herri honetan bi eredu sozioekonomiko daudela: batetik EH Bilduren eredua, enpresan esku hartzearen alde egiten duena, gehiegizko erregulazioaren eta gatazken alde egiten duena; eta bestetik EAJren eredua, bestearen kontrakoa, enpresekiko lankidetzaren eta industriari laguntzearen alde egiten duena, aberastasuna sortzeko, enplegu egonkorra eta kalitatezkoa sortzeko, garapen soziala sortzeko eta gure herrian hain errotuta dagoen ahaleginaren kultura sustatzeko".

Arabako jeltzaleen presidenteak Onda Vascan egin dioten elkarrizketa batean egin ditu adierazpenok. Bertan, EH Bilduk euskal administrazio publikoaren hautaketa-prozesuetan euskarak duen presentziari buruzko lege-ekimena ere baloratu du. Jone Berriozabalek aitortu du jakin gurako lukeela EH Bilduren proposamena "funtzio publikoaren arloan erakunde batek aktiboki dituen eragile sozial eta sindikalek kontrastatu eta onartu duten. Ohikoa eta deigarria da sindikaturen batek hizkuntza-politikaren arloan dituen kontraesanak enplegu publikoaren eremuan". EAJ-PNVrentzat "kezka handia" da, "historikoki herri honetako hainbat sentsibilitatek lortutako adostasunak txikitzen ari direlako eta administrazio publikoan euskararen erabilera normalizatzeko egindako lana zalantzan jartzen ari delako, eta horrek euskal administrazioak egiten dituen hautaketa-prozesuetan segurtasunik eza eta enplegu publikoa lortzeko ahalegin handia egin nahi duten oposiziogileentzako segurtasunik eza dakarrelako". Ildo horretan, Jone Berriozabalek adierazi duenez, "Alderdiaren barruan ez ezik, legeetan aditu direnekin ari gara lanean prozesu horiei segurtasun juridikoa emateko, PSErekin akordioak lortzen saiatuz, euskal herritarren hizkuntza-eskubideak bermatzeko". Hala ere, argi du EAJ-PNVk neurri aktiboak hartu behar dituela "aurrera pauso bat" emanez. "Hizkuntzak administrazioak zaindu behar duen zerbitzu publikoaren kalitatearen zati gisa ere ulertu behar ditugu. Gako nagusia da eskubideak elkarren kontra ez jartzea", ziurtatu du.

Madrilgo Erkidegoko presidenteak erkidegoetako presidenteen konferentzian planto egin zuela gogoratuz, Jone Berriozabal "harro" agertu da Imanol Pradales lehendakariak euskara defendatu zuelako. "Jende askok ulertzen du Lehendakariaren irmotasuna, seriotasuna eta zorroztasuna beren erakundeentzat nahi duten eredua dela, Ayuso andreak egin ohi dizkigun itxurakeria, planta eta errespetu faltaren aurrean".

AHTren lotuneari buruz galdetu diotenean, ABBren buruak Espainiako Gobernuari eskatu dio "eskuragarri dagoen informazio guztia mahai gainean jar dezala, koordinatuta konponbiderik onena hartu ahal izateko, Euskadiri abiadura handia kentzen ari baitzaio". "Arabaren ikuspegitik – gaineratu du – abiadura handiko trena lurpetik sartzea eskatzen dugu, eta lehenbailehen, hala jasotzen baita sinatutako protokoloetan".

Gasteizko Arana auzoan errefuxiatuen makrozentroa eraikitzeari dagokionez, ABBren presidenteak esan du "Espainiako Gobernua zuzentzeko garaiz" dagoela oraindik, eta, horregatik, "geldiarazteko eskatu dugu". Berriozabalen ustez, proiektu hori "alde bakarretik inposatutako eredua da, adostu gabea, eta aurrez aurre talka egiten du euskal ereduaren arreta indibidualizatuagoarekin".