Musika eta Arte Eszenikoen Jauregia eraikitzeko proiektua azken urte eta erdian blokeaturik egon da. Udal gobernuak, PPren esku, ez du babes nahikorik bere asmoak gauzatzeko, izan ere, oposizioko taldeek proiektuaren ezaugarriak, tokia eta finantzaketa zalantzan jarri dituzte.

EAJren ustez beharrezkoa da egun "Printzipal antzokiak dituen mugak eta gabeziak gaindituko dituen azpiegitura eraikitzea" eta alkateari egotzi dio "adostasunak lortzeko gaitasun falta".

Auditorioak, kultur ekitaldiez gain, biltzarrak antolatu ahal izateko baldintza guztiak betetzea ezinbestekotzat jo du EAJ alderdiak. PPk, aldiz, eraikina kultur ekintzetara mugatu nahi du.