Hondakin horietako asko inguruko obretatik datoz. Ingurumen Batzordean gai horien inguruan galdera egin ondoren, udal ordezkariak esan du ez zekitela hondakindegi kontrolatugabe hori zegoenik.

Malentxo Arruabarrenak esan duenaren arabera, “udalak zaintza-mekanismo ugari ditu era horretako irregulartasunen bat detektatzeko. Gure ustez, oso kezkagarria da udal ordezkariak egoera horren berri ez izatea eta ahalik eta arinen neurriak har ditzala eskatzen diogu. Horrelako jardunbide kutsatzaileekiko ezin da inola ere permisiboa izan”.

Zinegotzi jeltzalearen arabera, “Ingurumen Eguna ospatzen dugun egun honetan, zehazki, ez ditugu gogoan izan behar soilik udalak eremu honetan egiten dituen ekintza positibo guztiak; orobat, zuzendu beharreko guztia ere aipatu behar da eta, beraz, kasu honetan PPk premiaz eta irmotasunez jardun behar du”.