Gasteizko EAJren Udal Taldeak adierazi du atzeratzen ari dela Tokiko Energia Plana eta Energiaren Tokiko Kudeaketarako Ordenantza abian jartzeko unea.

Dokumentu horiek, energiaren arloan udal politikaren bizkarrezurtzat hartuak, 2005eko maiatzaz geroztik onartuta beharko zuketen, baina, hamasei hilabete igaro dira eta oraindik bidean dira, gobernu taldeak behin eta berriro dioen moduan.

Iñaki Prusilla zinegotzi abertzalea oso kezkatuta dago energia planagatik, bai baitira bederatzi hilabete ez dagoela horren berririk.

Prusillak adierazi duenez, “Energia plana eta ordenantza abian jartzeko unea atzeratuz gero, eten egingo dira eremu askotan eragina duten neurriak, eremu horien artean eraikuntza, uraren kudeaketa, industri politika eta teknologia berrien aplikazioa egonik”.