Gasteizko EAJk esan du bere eskabide horren helburua Udaleko plantilak eraso eta jazarpen arrisku egoerak daudenean jarduteko ildo batzuk edukitzea dela. 

Talde jeltzaleak gogorarazi du protokolo hori Giza Baliabideen Egitarau Estrategikoko konpromisoen barruan sartu zela 2005ean. Horregatik 2006ko maiatzean Gasteizko EAJren udal taldeak horri buruzko galdera egin zuen, baina "harrezkero ez dugu beste berririk izan" baieztatu du Funtzio Publikoko arloan jeltzaleen bozeramailea den Iñaki Prusillak.