“Edonora begiratuta ere, azken batean zera aurkitu dugu: hirigintza araudiaren, Udalbatzaren borondatearen eta interes publikoaren kontra eta enpresa baten mesedetan ari zela jakinda, erabaki zehatz batzuk hartu dituen gobernu taldeko kide baten sinadura”, baieztatu du Mikel Martínez bozeramaile jeltzaleak.

Mikel Martínezen ustez, kontsiderazio horiek guztiek justiziak esku hartzea justifikatzen dute. Hori dela medio, datorren apirilaren 20an Udalbatza onartzekoa den behin betiko dokumentua Arabako Probintzia Auzitegiko Fiskaltzaren esku uztea proposatu du.