“Gure erabateko gaitzespena erakusten diegu indarkeriazko adierazpen horiei guztiei. Honelakoetan, argi eta garbi esan behar dugu inork ez duela etengo alde zaharraren garapena. Hiri Berriztapen Agentziaren bidez lan egiteko asmo sendoa dugu, lehenbailehen asteburuko triskantzaren aztarnak ezabatzeko eta arrapalek auzoko irisgarritasuna hobetzeko papera betetzen jarraitzeko” esan du Mikel Martinez Talde Nazionalistaren bozeramaileak. Arrapala mekanikoetan egindako kalteen balioa hamar milaka eurokoa dela uste da.