“Azpikerien bidez  lortu nahi dute autonomi erkidegoei eta udalei fracking teknika arriskutsua arautzeko eta baimentzeko duten gaitasuna kentzea, ahalmen hau Madrilgo Gobernuaren interes ekonomikoen mende uzteko. Honek suposatzen du hiritarren interesak konpainia pribatuen interesen mende jartzea”, esan du Alvaro Iturritxa  Ingurumen gaietarako bozeramaile jeltzaleak.

“Madriletik fracking-a hain jardunbide ilunaren bidez bultzatzeak Gazteizko hiritarrentzako kolpe bikoitza suposatzen du. Alde batetik, arriskutan jartzen da gure etorkizuna eta,beste alde batetik, guk geuk gai horren inguruan erabakitzeko dugun eskubidea kaltetzen da. Horregatik Udalak aho batez errefusatu beharko luke aldaketa bidegabe eta zentzugabe hau" amaitu du Alvaro Iturritxak.