Aberri Eguna 2018 - Jaia Iruditan

Prentsa Aretoa

2018/05/08

EAJren Euzko Abertzaleak taldeak 1978ko San Ferminetako “egun odoltsuan” gertatutakoa argitzea eskatu du

Mikel Legardak Gobernuak eta EAOk gertakari hauen inguruan dauzkaten agiriak desklasifikatzea eskatu du, biktimek merezi duten egia, justizia,memoria eta erreparazioa aldarrikatzeaz batera

rss Ezagutzera eman

ARGAZKIA JAITSI

BIDEOA JAITSI

PARTEKATU BIDEOA

EAJ-PNVren Euzko Abertzaleak legebiltzar taldeak Ganberako beste alderdi batzuekin batera aldarrikatu du Gobernuak eta Estatuko Administrazio Orokorrak 1978ko San Ferminetako larunbata eta igande goizalde bitartean eman zen “egun odoltsuaren” inguruan dituen agiri guztiak desklasifika ditzala. “Gertakari haiek argitu behar dira Poliziak bekokira eginiko tiro batez hil zuen German Rodríguezek merezi duen egia,justizia eta erreparazioa aldarrikatzeko”, adierazi du Mikel Legarda Barne gaietarako Batzordeko bozeramaile jeltzaleak.

Podemos, ERC, Compromís eta EH Bildu taldeekin batera izenpetu den ekimenaren alde eginez, Legardak era berean salatu du poliziaren jardun hura, ehunka zauritu, horietako asko tiroz, eta German Rodríguez bekokian jasotako tiro batez hiltzea eragin zuena, “neurrigabea eta poliziako nagusi batek emandako agindu batek bultzatua” izan zela. Diputatu jeltzaleak era berean azaldu duenez “ egun hartan jaurti ziren 500 gomazko pilota, mila bat gas pote, ehun 9mmko parabelum bala eta berrogeita hamar 9mmko bala labur”.

“Jakin behar da jarduera hura nork agindu zuen, zer baliabide erabili zituen eta nola eta zergatik gertatu zen; Gobernuari eskatzen diogu 40 urteren buruan gertakari haiek ezkutatzen ez jarraitzea”, amaitu du Legardak.

Alderdi Eguna 2018
Jarrai ezazu Gurekin
Next Euskadi
Suso Blog
  • Jose Antonio Suso

    Jose Antonio Suso

    ABBko presidentea

    SARTU