Mikel Legardak, EAJ-PNVko Legebiltzar Taldeko justizia eta barne gaietarako bozeramaileak gaur salatu du Epaitegi nazionaleko Fiskaltzako goi karguen artean auziak hutsaltzeko ematen ari den joera, terrorismotzat jotzen dituztelarik “terrorismoa baino, beste edozer izan daitezkeenak, irizpide horri fiskalen buruan baino ez baitago”.

Espainiako gobernuari kontrola egiteko bilkuran, Legardak gogora ekarri du Fiskaltzak iragan ekainaren 11n `Altsasu auzia´ deritzonari aurkeztu zion errekurtsoan, zeinaren bidez auziperatuei terrorismo delitua egoztea eskatzen zen, “argudiatzen zena zen ETAren egiturak gaur egun existitzen zirela” eta kritikatu du egiten den baieztapena, hau da, “erakundeak desager daitezke, baina egiten dutenak irauten du, ETAren fronteak aktibo jarraitzen duelako” esanez egin dena. Legardak era berean salatu du ETAK maiatzaren 3an desegiteko egin zuen ekitaldia “ustezko disoluzio” jotzen dela. Halaber, diputatu jeltzaleak “larri eta EAJ-PNVrentzat eta Euskadi eta Nafarroako gizarteentzat oso kezkagarri” jo dituen irizpideak errepikatu egiten dira Fiskaltzak ekainaren 11an 2017ko martxoan Iruñean gertatutako desordena publikoen inguruan aurkeztu zuen errekurtsoan.

Hori dela eta eta Dolores Delgado ministro andreari Fiskaltzaren irizpidearekin bat egiten ote duen galdetu ondoren, Legardak zera ohartarazi du: “Zigor Kodea eta jarduera terrorista interpretatzeko eran eta orain aipatuko ez ditudan baina denon buruan dauden beste kasuen inguruan ematen ari den egoera larriaren aurrean, nahiko zail gerta daiteke EAJk babesa ematea aldarazi nahi duzuen Prozedura Kriminaleko Legearen barruan instrukzio fasea epaileengandik Fiskaltzara lekualdatzeko ekimenari”.