Babesgabetasun egoera larrian dauden eta gurasoek zaindu ezin dituzten haur eta nerabeak hartzen dituzten lurraldeko familiei foru erakundeak egingo dien ongietorrian izango da bihar, osteguna, Ramiro González, Arabako diputatu nagusia.

Arabako Foru Aldundiak omenaldi publikoa egingo die familiei, haur eta gazte horiekiko duten elkartasuna eskertzeko. Ekitaldiaren bidez, aitortu egingo zaie Arabako Adingabearen Kontseiluarekin eta Gizarte Ongizaterako Foru Erakundeko Adingabeen eta Familiaren Arloarekin lankidetzan jardutea, adingabe horiek zaintzen eta haiei berotasuna ematen. 

fuente-iturria: arabapress.eus