Arabako Foru Aldundiak, GOFE Gizarte Ongizaterako Foru Erakundearen bidez, asmoa dauka datozen lau urteetan 118 egoitza plaza berri hitzartzeko Gasteizen, mendeko adinekoentzat, eta horrek dakar orain dagoena bikoiztea eta 25,3 milioi euroko inbertsioa egitea. Datorren 2019an, 28 plaza berri jarriko dira martxan, eta aurreikusita dago beste 30 plaza hitzartu erantsiko direla urtero, 2022 arte.

Haiei erantsi behar zaizkie Arabarren egoitza gunearen adinekoentzako beste 100 egoitza plaza publiko, zeinak datorren agintaldian gauzatuko baitira, gogorarazi du Marian Olabarrieta Gizarte Zerbitzuen Saileko foru diputatuak. “Guztira, beste 228 egoitza plaza gehiago planifikatu ditugu, eta horrek aukera emango ditu argitu eta bermatzeko mendeko adinekoen egoitza arreta eta erakusteko zer nolako ahalegina egiten ari den Arabako Foru Aldundia lurraldeko adienekoen epe motz eta ertaineko premiak aurreikusteko” azaldu du.

Gizarte Zerbitzuen Saileko arduradunak, José Luis Alonso Quilchano Gizarte Ongizaterako Foru Erakundearen zuzendari-kudeatzailea lagun, gaur goizean prentsa aurrean kontu eman du hitzartzeko prozedura berriaz, zeinaren bidez egoitza plaza pribatuen poltsa bat sortuko baita II. eta III. mailako mendekotasuna duten eta egoitza plaza baterako eskubidea aitortuta duten adinekoak hara bidaltzeko.

fuente - iturria arabapress.eus