Ramiro González Arabako diputatu nagusiak eta Igone Martínez de Luna Euskara, Kultura eta Kirol Saileko foru diputatuak harrera egin diete gaur goizean Xabier Arrieta Ikastolen Elkarteko lehendakariari, Joseba Aginagalde, Arabako Ikastolen Federazioko arduradunari eta Armentiako Ikastolako zuzendari eta presidenteari, Agurne Barruso eta Liher Larrea. Izan ere, igandean ospatuko dute Araba Euskarazko aurtengo ekitaldia.

Foru arduradunak lurraldeko ikastolen aldarrikapena egiteko joango dira hitzordu horretara, eta zorte ona izan dezatela opatu diete antolatzaileei. Ondoren, asteburu honetan ikusiko diren kamiseta bana jaso dute ‘GERTU’ leloarekin.