Next Euskadi

Prentsa Aretoa

2023/03/14

Beatriz Artolazabalek iragarri du San Martin auzorako doako aparkaleku bat eraikiko duela

“Eremu horretan, tranbiaren Zabalganarako trazadura berriarekin, aparkaleku batzuk galduko dira, eta uste dugu garrantzitsua dela irtenbidea ematea arazo horri eta erantzutea auzoko bizilagunek eskatzen digutenari. Aparkalekuak aukera emango du plazen galera konpentsatzeko”, adierazi du

rss Ezagutzera eman

ARGAZKIA JAITSI

BIDEOA JAITSI

PARTEKATU BIDEOA

Beatriz Artolazabal EAJren Gasteizko alkategaiak konpromisoa hartu du, ibilgailuentzako doako aparkaleku bat eraikitzeko San Martin auzoan alkate izendatzen badute. Adriano VI.a eta Serafin de Ajuria kaleen arteko bidegurutzean kokatua, aparkalekuak gaur egun dagoen plaza falta arintzen lagunduko du. Arazo bat, ziurtatu du Artolazabalek, Zabalganarako tranbiaren trazadura berriarekin areagotuko dena. Aspalditik ari dira Udalari aparkaleku kopurua handitzeko beharra adierazten. Eta badakigu orain eskari hori handiagoa izango dela tranbiaren proiektu berriarekin. Horregatik, proaktiboak izan behar dugu eta premiei aurrea hartu. Aparkaleku berri honek auzoko aparkalekuen defizit hori konponduko du.

Artolazabalek defendatu du hiriko garraio publikoa indartzeko eta tranbiaren sarea zabaltzeko beharra, baina apustu horrek, esan duenez, ere badakar joan-etorrietan ibilgailu pribatua erabiltzen duten pertsonei irtenbideak bilatzea. Garraio publikoaren aldeko apustua egiten dugu, baina hiria guztiontzat da, garraio publikoa erabiltzen dutenentzat, baina baita autoa erabiltzen dutenentzat ere.

Gasteizko Udalerako hautagaiak asteak daramatza hiriko auzoak bisitatzen eta auzo-elkarteekin biltzen, eta konpromiso irmoa adierazi du gune horiek hobetzeko eta biziberritzeko. “Gasteizek aurrera egin badu, izan da auzoei esker, baita daukagun hiriaren alde borrokatu duen jendeari esker ere. Orain auzo horiek merezi dute hiriak itzultzea eman dioten guztia.” Amaitzeko, San Martin auzo modernoa dela esan du, baina konpondu behar dituela auzotarrek aspalditik helarazi dituzten hainbat kontu. San Martinen aparkatzeko arazo bat zegoen, eta konponbidea jarri nahi diogu proiektu berri honekin.

Next Euskadi
Suso Blog
  • Jose Antonio Suso

    Jose Antonio Suso

    ABBko presidentea

    SARTU