“Europan Euskadi indartsuagoa lortzeko eta Euskadin Europaren presentzia handiagoa izateko” lanean jarraituko duela adierazi du Izaskun Bilbaok

Beste bultzada bat Europan hizkuntza gutxituak babesteko

Lehendakariak sentsibilitate politiko guztiei eskatu die lankidetzan jardutea, ETAren amaiera ordenatua lortzeko

Ortuzarrek Biasterin deitu ditu arabarrak “Araban eta Euskadin sinesten ez duen, eta Madrilentzat baino gobernatzen ez duen” Ahaldun Nagusia ordezkatzera

Andoni Ortuzar EAJ-PNVren Euzkadi Buru Batzarreko presidenteak Biasterin esan du gaur talde jeltzaleak Araban erronka bat duela, berehala atondu behar dena: 2015 urtean Javier de Andres ordezkatzea, arabarrek Arabaz eta Euskadiz arduratuko den eta Madrilgo nagusiek esango dutenaz pentsatuko ez duen Ahaldun Nagusia izan dezaten. “Arabak arazo bi ditu gaur egun. Lehenengo eta behin, De Andrések gauzak ez dituela ondo egiten, bere kudeaketa txarra dela; eta bigarrena da oraingo Ahaldun Nagusiari bere taldekoak ,PP eta Rajoy falta zaizkiola, errealitate gordina baita Arabari eta Euskadiri berdin zaiela Rajoy eta bere alderdia, Arabako eta Euskadiko PP alderditik hasita, Madrilen ez baitute ezer egiten. Arabar gizarteari argi eta garbi esan behar diogu zer gertatzen den: EAJk esana betetzen duela, Eusko Jaurlaritzak agindutakoa betetzen duela, Arabako Foru Aldundiak kale egiten duela, Espainiako PP alderdiak Araba abandonatuta duela” salatu du EAJ-PNVk Biasterin ospatu duen Arabar Errioxako Alderdikide Egunean. Ekitaldi politiko berean hitz egin dute Xabier Agirre Araba Buru Batzarreko presidenteak eta Ramiro Gonzalez, Arabako Batzar Nagusietan talde jeltzalearen bozeramaileak.